ORAÇÕES E TEXTOS DOS CATECISMOS
SINAL DA CRUZ
Santa Cruz ra'angaba resé, oré pysyrõ îepé, Tupã oré îar, oré amotare'ymbara suí. Tuba, Ta'yra, Espírito Santo rera pupé. Amen Jesus.
PAI NOSSO
Oré rub ybákype tekoar, i moetepýramo nde rera t'oîkó; t'our nde Reino; t'onhemonhang nde remimotara ybýpe, ybákype i nhemonhanga îabé; oré rembi'u 'ara îabi'õndûara eîme'eng kori orebe; nde nhyrõ oré angaîpaba resé orebe, oré rekomemûãsara supé oré nhyrõ îabé; oré mo'arukar umẽ îepé tentação pupé; oré pysyrõ îepé mba'eaíba suí. Amen Jesus.
AVE MARIA
Ave Maria, graça resé tynysémba'e, nde irũnamo nde Îara sekóû; i mombe'ukatupýramo ereîkó kunhã suí; i mombe'ukatupyra bé nde membyra Jesus. Santa Maria, Tupã sy, etupãmongetá oré angaîpaba resé. Ko'yr, (...) oré îekyî oré (...) Amen Jesus.
CREDO
Arobîar Tupã Tuba opakatu mba'e tetirûã monhanga e'ikatúba'e, ybaka, yby abé monhangara. Arobiar Jesus Cristo abé, Ta'yra oîepéba'e, asé Îara: Espírito Santo i monhangaba, pitángamo onhemonhangyba'epûera, a'éba'e o'ar Maria abá bykagûere'yma suí — Pôncio Pilatos Morubixábamo sekóreme, serekomemûãmbýramo sekóû, ybyraîoasaba resé i moîarypýramo sekóû, i îukapýramo sekóû, i îukapýramo, i tymymbýramo. Ogûeîyb yby pytérype, 'ara mosapyra pupé omanõba'epûera suí sekobeîebýri, oîeupir ybákype, Tupã Tuba opakatu mba'e tetirûã monhanga e'ikatúba'e ekatuaba koty resé, a'e suí túri oîkobéba'e omanõba'epûera pabẽ rekomonhángane:
Arobîar Espírito Santo,
Arobîar Santa Igreja Católica,
Arobîar Santos rekokatu îemoîa'o-îa'oka,
Arobîar tekoangaîpaba resé moroupé Tupã nhyrõ,
Arobîar asé rekobeîebyrama,
Arobîar tekobé opaba'erame'yma.
Amen Jesus.
Arobîar Espírito Santo,
Arobîar Santa Igreja Católica,
Arobîar Santos rekokatu îemoîa'o-îa'oka,
Arobîar tekoangaîpaba resé moroupé Tupã nhyrõ,
Arobîar asé rekobeîebyrama,
Arobîar tekobé opaba'erame'yma.
Amen Jesus.
